USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Yaponiya Suriyaya 53 milyon dollar maliyyə yardımı ayırıb
Yaponiya Suriyaya 53 milyon ABŞ dolları həcmində maliyyə yardımı ayırmağı planlaşdırır. Bu barədə Yaponiya xarici işlər nazirinin müavini Onişi Yoheinin Dəməşqə səfəri zamanı keçirilən görüşlərdə məlumat verilib.
Yaponiya mediasının xəbərinə görə, Onişi Yohei Suriyanın keçid hökumətində maliyyə naziri Muhammad Yaser Bernie və digər rəsmi şəxslərlə görüşlərində hökumətin cari maliyyə ili üçün büdcə əlavəsində Suriyaya 53 milyon dollar yardımın nəzərdə tutulduğunu bildirib.
Görüşlər zamanı minaların təmizlənməsi, təbii fəlakətlərdən qorunma məsələləri müzakirə edilib, həmçinin Yaponiya şirkətlərinin Suriyaya investisiya yatırmasını təşviq etmək məqsədilə biznes forumunun keçirilməsi ideyası ətrafında fikir mübadiləsi aparılıb.
Qeyd edək ki, Onişi Yohei 15 illik fasilədən sonra Suriyaya səfər edən ilk Yaponiya rəsmi şəxsi olub. Yaponiya 2011-ci ildə Suriya ilə iqtisadi əlaqələri dayandırıb və bu müddət ərzində ölkəyə yalnız beynəlxalq və qeyri-hökumət təşkilatları vasitəsilə humanitar yardım göstərib.
