USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əlcəzair parlamenti Fransa müstəmləkəçiliyini cinayət kimi tanıyıb
Əlcəzair parlamenti ölkənin 1830–1962-ci illər arasında Fransa tərəfindən müstəmləkə olunmasını cinayət kimi tanıyan qanun layihəsini yegdilliklə qəbul edib. Bu barədə “Kommersant” nəşri məlumat yayıb.
Qanunda vurğulanır ki, Fransa Əlcəzairdəki müstəmləkə keçmişinə və bu dövrdə törədilmiş faciəvi hadisələrə görə hüquqi məsuliyyət daşıyır. Sənəddə Fransa müstəmləkəçiliyinin törətdiyi cinayətlər ətraflı şəkildə sadalanır. Bunlara nüvə sınaqları, məhkəmədənkənar edamlar, fiziki və psixoloji işgəncələr, eləcə də ölkənin təbii və iqtisadi resurslarının sistematik şəkildə qarət edilməsi daxildir.
Qanunda həmçinin qeyd olunur ki, Fransa müstəmləkəçiliyinin Əlcəzair dövlətinə və xalqına vurduğu maddi və mənəvi zərərə görə tam və ədalətli təzminatın ödənilməsi Əlcəzairin ayrılmaz hüququdur.
Qəbul edilən sənəd ölkənin tarixi ədalətin bərpası istiqamətində atdığı mühüm addım kimi qiymətləndirilir.
