Avropada yaşayan azərbaycanlı miqrant Litvanın Vilnüs şəhərində yaşadığını iddia edən Emin adlı şəxs tərəfindən aldadıldığını bildirir.

Məlumata görə, zərərçəkən bu ilin yanvar ayında Polşada yaşayarkən sənədləri ilə bağlı problem yaşayıb. Həmin şəxs pul qarşılığında Latviyada oturum icazəsi düzəldə biləcəyini deyib. Bunun müqabilində zərərçəkən və onun bir tanışı hər biri 1500 avro olmaqla ümumilikdə 3000 avro pul ödəyib.

İddia olunur ki, aradan bir neçə ay keçməsinə baxmayaraq, vəd edilən sənədlər təqdim olunmayıb. Ödənilən məbləğin yalnız 200 avro hissəsi geri qaytarılıb, qalan 1300 avro isə hələ də ödənilməyib.

Zərərçəkən bildirir ki, bu barədə sosial şəbəkələrdə paylaşım etdikdən sonra başqa şəxslərin də oxşar hallarla üzləşdiyi məlum olub. O, məqsədinin ictimaiyyəti məlumatlandırmaq və digər şəxslərin bu kimi hallarda ehtiyatlı olmasına çağırmaq olduğunu qeyd edir.

Qarşı tərəfin mövqeyini öyrənmək mümkün olmayıb.