USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rusiya taxılı Azərbaycan üzərindən Ermənistana göndərilir
1990-cı illərdən bəri ilk dəfə olaraq Rusiya Federasiyasının Volqoqrad vilayətindən Azərbaycan ərazisi vasitəsilə Ermənistana taxıl daşınmasına başlanılıb.
Bu barədə Privoljski Dəmir Yollarının mətbuat xidməti məlumat yayıb. Bildirilib ki, Qmelinskaya stansiyasından yola salınan 8 taxıl vaqonundan ibarət ilk partiya İrəvan stansiyasına çatdırılacaq.
Məlumata görə, cari ilin sonunadək bu marşrut üzrə ümumilikdə 30 taxıl vaqonunun — 2 min tondan artıq taxılın daşınması planlaşdırılır.
Qurumdan bildirilib ki, bu yeni logistika xətti Azərbaycan vasitəsilə Ermənistana yük tranzitinin bərpası sayəsində mümkün olub. Bu marşrut regionda yükdaşımaların genişləndirilməsi baxımından mühüm əhəmiyyət daşıyır.
