USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Daxili qoşunların komandanının təyinatı Prezidentin səlahiyyətinə verildi
Daxili qoşunların komandanının və ali hərbi rütbələr nəzərdə tutulan vəzifələr üzrə zabitlərin vəzifəyə təyin edilməsi və vəzifədən azad olunması Prezidentin səlahiyyətinə aid edilib.
Bu, Prezident İlham Əliyevin imzaladığı “Azərbaycan Respublikasının daxili qoşunları haqqında” qanunun tətbiqi barədə Fərmanda əksini tapıb.
Fərmana əsasən, daxili qoşunların komandanı və ali hərbi rütbələr nəzərdə tutulan vəzifələr üzrə zabitlərin həqiqi hərbi xidmətdən ehtiyata və ya istefaya buraxılması da Prezident tərəfindən həyata keçiriləcək.
Bundan əlavə, dövlət başçısı daxili qoşunların hərbi qulluqçularına ali hərbi rütbələrin verilməsi, eləcə də daxili qoşunların hərbi şurasının əsasnaməsinin təsdiq edilməsi səlahiyyətinə malik olacaq.
Qeyd edək ki, bu dəyişikliklər daxili qoşunların idarəetmə mexanizminin təkmilləşdirilməsi və ali hərbi kadr siyasətinin mərkəzləşdirilməsi məqsədi daşıyır.
