USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Mnatsakanyan ibtidai istintaqda verdiyi ifadələrdən imtina etdi
Dekabrın 25-də Bakı Hərbi Məhkəməsində Ermənistanın Azərbaycana qarşı hərbi təcavüzü ilə bağlı açılmış cinayət işləri üzrə məhkəmə prosesi davam etdirilib. İclasda təqsirləndirilən şəxslərin son söz çıxışları dinlənilib.
Məhkəmədə çıxış edən təqsirləndirilən şəxs Levon Mnatsakanyan ona qarşı irəli sürülmüş ittihamların heç biri ilə özünü təqsirli hesab etmədiyini bildirib. O, ibtidai istintaq zamanı verdiyi ifadələrdən imtina etdiyini bəyan edərək, məhkəmədən qərar qəbul edilərkən yalnız məhkəmə iclaslarında səsləndirdiyi fikirlərin əsas götürülməsini xahiş edib.
Mnatsakanyan çıxışını sona qədər ifadə etməyə şərait yaradıldığına görə məhkəməyə təşəkkür edib və üç gün ərzində hazırladığı 51 səhifəlik son söz mətnini məhkəmə protokollarına əlavə olunması üçün təqdim edib.
Ardınca digər təqsirləndirilən şəxslər – Arkadi Qukasyan və Bako Sahakyan da son sözlə çıxış edərək ittihamları qəbul etmədiklərini bildiriblər. Onlar müdafiəçilərinə təşəkkür edib, ittiham tərəfinin təqdim etdiyi dəlillərlə razılaşmadıqlarını vurğulayıblar.
Məhkəmə prosesi dekabrın 26-da davam etdiriləcək.
Qeyd edək ki, sözügedən cinayət işi üzrə Ermənistanın sabiq vəzifəli şəxsləri və hərbi rəhbərləri təcavüzkar müharibənin aparılması, soyqırımı, müharibə cinayətləri, terrorçuluq və digər ağır cinayətlərdə ittiham olunurlar.
