USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məhkəmə Nərmin Quliyevanın qətli ilə bağlı kassasiya şikayətini təmin etmədi
Tovuz rayonunda 10 yaşlı Nərmin Quliyevanın qətlində təqsirləndirilən İlkin Süleymanov barəsində verilmiş hökmdən edilən kassasiya şikayətinə baxılıb.
Ali Məhkəmədə hakim Rəşad Abdulovun sədrliyi ilə keçirilən iclasda yekun qərar elan olunub. Qərara əsasən, kassasiya şikayəti təmin edilməyib və əvvəlki məhkəmə qərarları qüvvədə saxlanılıb.
Xatırladaq ki, İlkin Süleymanov Gəncə Ağır Cinayətlər Məhkəməsinin hökmü ilə 18 il müddətinə azadlıqdan məhrum edilib. Gəncə Apellyasiya Məhkəməsi də birinci instansiya məhkəməsinin hökmünü dəyişmədən saxlamışdı.
Qeyd edək ki, Tovuz rayonunun Dondar Quşçu kənd sakini Nərmin Quliyeva 2019-cu il noyabrın 21-də itkin düşüb. Onun meyiti 2020-ci il yanvarın 6-da yandırılmış halda tapılıb. Hadisəni törətməkdə şübhəli bilinən, 1973-cü il təvəllüdlü İlkin Süleymanov 2020-ci il yanvarın 10-da saxlanılaraq istintaqa cəlb edilib.
İlkin Süleymanova Cinayət Məcəlləsinin xüsusi amansızlıqla adam öldürmə, köməksiz vəziyyətdə olan şəxsi qəsdən öldürmə, adam oğurluğu və digər maddələri ilə ittiham irəli sürülüb. Kassasiya instansiyasının qərarı ilə hökm hüquqi qüvvədə qalıb.
