Cəbrayılın Şükürbəyli kəndində bir fərdi evin tikilməsinə 160 min manat xərclənəcək. Hansı ki, bu gür fərdi evlərin tikilməsinə 40-50 min manat vəsait tələb olunur.

Rayonunun Şükürbəyli kəndinin tikitisi ilə bağlı elan olunmuş tenderlərin bir hissəsinə (346 fərdi evin tikintisi) yekun vurulub.

Kənddə tikiləcək fərdi yaşayış evlərindən 63-nü "TUNEL-METRO İNŞAAT" MMC (10.012.580,46 AZN), 65-ni "RABİTƏİNŞAAT" ASC (10.059.902,76 AZN), 60-nı “KÜR-ARAZ ŞİRKƏTİ” MMC (9.425.238,68 AZN), 73-nü "ANG" MMC (11.907.614,49 AZN), 85-ni "MİNERA" MMC (13.506.950,62 AZN) inşa edəcək.

Bu hesabla bir fərdi evin tikintisi 158 min 706 manata başa gələcək.

Kənddəki sahədaxili elektrik təchizatını 6.053.467,27 manat müqabilində "AZƏRTRANSS" MMC, xarici elektrik təchizatını isə 10.010.611,14 AZN qarşılığında "HARMONY İNDUSTRİAL CONSTRUCTİON AND ENGİNEERİNG GROUP" MMC həyata keçirir.

Kənddə tikintiyə başlamamışdan öncə sökntü işlərinin aparılmasını 720.299,95 manata "KONSEPT HOLDİNG" həyata keçirib.

Qeyd edim ki, kənddə birinci mərhələdə - 635 ailə olmaqla, ümumilikdə 1042 ailə məskunlaşdırılacaq. Yeni yaşayış məntəqəsi - Şükürbəyli, Dəjəl, Şıxalıağalı, Mahmudlu olmaqla - 4 kəndi özündə birləşdirəcək.

Dövlət büdcəsinin talanma hadisəsini biz 3 gün əvvəl Laçına yağan güclü yağışın yağmasından sonra gördük. Milyonları yeyənlər dağlıq ərazidə tikilməsi vacib olan su kanalizasiya sisteminin tikilməməsinə görə prezidentin də şəxsən açılışda iştirak etdiyi evlərin su basması ilə nəticələnib.

Bu korrupsiya bataqlığında boğulan ölkəmiz belə getsə heç zaman düzələn deyil.