USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Prezidentlər “Sülh Qalxanı-2026” birgə hərbi təlimini izləyiblər
Azərbaycan Prezidenti İlham Əliyev və Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan fevralın 3-də Əbu-Dabidə keçirilən “Sülh Qalxanı-2026” birgə əməliyyat-taktiki hərbi təlimini izləyiblər.
Təlimdə Azərbaycan və BƏƏ Silahlı Qüvvələrinin hərbi qulluqçuları iştirak ediblər. Birgə təlimlərin əsas məqsədi iki ölkə arasında hərbi əməkdaşlığın daha da möhkəmləndirilməsi, şəxsi heyətin döyüş hazırlığının artırılması, qarşılıqlı fəaliyyət və təcrübə mübadiləsinin genişləndirilməsidir.
Təlim zamanı bölmələrin koordinasiyalı fəaliyyəti, müasir taktiki üsulların tətbiqi və müxtəlif əməliyyat ssenariləri üzrə tapşırıqların icrası nümayiş etdirilib.
“Sülh Qalxanı-2026” təlimi Azərbaycan ilə Birləşmiş Ərəb Əmirlikləri arasında strateji tərəfdaşlığın və müdafiə sahəsində əməkdaşlığın yüksək səviyyədə olduğunu bir daha göstərir.
