USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstanda jurnalist Əfqan Sadıqovun müdafiəsilə bağlı aksiya keçirilib
Bu gün Tbilisidə Gürcüstan Hökumət Evinin qarşısında Azərbaycanın “Azel” TV saytının rəhbəri Əfqan Sadıqovun müdafiəsi üçün etiraz aksiyası keçirilib.
Onun xanımı Sevinc Sadıqova bildirib ki, aksiyada yerli müstəqil jurnalistlər və fəallar iştirak ediblər.
Aksiya iştirakçıları Gürcüstan hakimiyyətindən Sadıqovun Azərbaycana ekstradisiyasını dayandırmağı tələb ediblər.
"Əgər Gürcüstan hakimiyyəti Əfqanı təhvil verərsə, bu o demək olacaq ki, onlar Azərbaycanın avtoritar rejiminin əmrini yerinə yetirirlər", - Sadıqova bildirib. O qeyd edib ki, aksiya iştirakçıları Azərbaycanda 300 siyasi məhbusun hamısının azad edilməsini tələb ediblər.
Qeyd edək ki, ötən il dekabrın 24-də Əfqan Sadıqov ailəsilə birlikdə Gürcüstana gedib. O, avqustun 3-də ailəsilə birlikdə İstanbula getmək istərkən Gürcüstan polisi tərəfindən saxlanılıb. Avqustun 4-də Tbilisi Şəhər Məhkəməsi Azərbaycana ekstradisiya məqsədilə onu 3 ay müddətinə həbs edib.
Mayın 10-da Azərbaycan Daxili İşlər Nazirliyi Əfqan Sadıqova qarşı Azərbaycan Cinayət Məcəlləsinin 188.2.2 və 182.2.4-cü maddələrilə ("təhdid yolu ilə tələb etmək, başqasının əmlakını ələ keçirmək, dəfələrlə kompromat informasiyanın dərcilə təhdid etmək") ittiham irəli sürüb.
