USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Fransa hakimiyyəti V.İsgəndərlinin qatillərini tapmalı və siyasi mühacirlərin müdafiəsini təmin etməlidir - Amnesty İnternational
Fransa hakimiyyəti V.İsgəndərlinin qatillərini tapmalı və siyasi mühacirlərin müdafiəsini təmin etməlidir - Amnesty İnternational.
"Vidadi İsgəndərlinin zorakı qətli səmərli və operativ şəkildə araşdırılmalıdır. Fransa hakimiyyətini onun mühacirətə getməsinə səbəb olan Azərbaycan prezidentinin və hökumətinin tənqidi də daxil olmaqla, qətlin bütün mümkün motivlərini nəzərdən keçirməyə çağırırıq. Bu mənfur cinayət təcili araşdırılmalıdır və ədalətli məhkəmə təhqiqatı zamanı bu cinayətdə şübhəli bilinən hər kəs məsuliyyətə cəlb edilməlidir". Bu barədə Amnesty İnternational təşkilatının Cənubi Qafqaz üzrə nümayəndəsi Natalya Nozadzenin bəyanatında bildirilir.
"Bu, son illər ərzində Fransada mühacirətdə yaşayan azərbaycanlının bıçaqla xəsarət yetirilməsinin qurbanı olduğu ikinci hadisədir. Fransa hökuməti təhlükədə olan və ölkə ərazisində beynəlxalq müdafiə axtaran şəxslərin səmərəli müdafiəsini təmin etməlidir. Fransa torpaqlarında azərbaycanlı mühacirlərə qarşı bu hücumlara görə kimin məsuliyyət daşıdığını və gələcəkdə bu cür hadisələrin qarşısını almaq üçün hansı addımların atıldığını bütün dünya bilməlidir", deyə o qeyd edib.
Turan
