USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məhkəmə “Meydan” TV-nin jurnalistini yenə həbsdə saxlayıb
Yanvarın 24-də Xətai Rayon Məhkəməsi “Meydan” TV-nin jurnalisti Aysel Umudovanın ev dustaqlığına buraxılması barədə vəsatəti təmin etməyib. Bu barədə Turan-a onun vəkili Aqil Layıc bildirib.
Müdafiə tərəfi bilirdi ki, vəsatət təmin edilməyəcək, lakin Avropa İnsan Hüquqları Məhkəməsinə müraciət etməkdən ötrü lazım olan prosedurlara əməl etmək üçün məhkəməyə müraciət edib.
Vəkil Umudovanın həbsdə saxlanılmasının əsassız olduğunu bildirib, çünki o, istintaqdan yayınmayıb, şahidlərə təsir göstərməyib.
Umudova özünə qarşı cinayət işini jurnalist fəaliyyətilə əlaqələndirib.
Qeyd edək ki, Dekabrın 6-da “Meydan” TV-nin əməkdaşları Aynur Elgünəş, Aytac Tapdıq, Xəyalə Ağayeva, Aysel Umudova, Natiq Cavadlı və jurnalist-frilanser Ramin Deko (Cəbrayılzadə), həmçinin media eksperti Ülvi Tahirov valyuta qaçaqmalçılığında şübhəli bilinərək saxlanılıblar. Dekabrın 8-də məhkəmə onları həbs edib.
Jurnalistlər cinayət işini öz peşə fəaliyyətlərilə əlaqələndiriblər. Hüquq müdafiəçiləri onları siyasi məhbuslar kimi tanıyıblar.
