USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DİN jurnalist Nurlan Librenin evindən edilən oğurluğa münasibət bildirib
Daxili İşlər Nazirliyi jurnalist Nurılan Librenin evindən qızıl-zinət əşyasının aparılması ilə bağlı deyilənlərə münasibət bildirib.
DİN-in Mətbuat xidmətinin əməkdaşı Elbrus İbrahimov bildirib ki, Nurlan Librenin (Qəhrəmanlı) yaşadığı ünvanda məhkəmə qərarı əsasında özünün və ailə üzvlərinin iştirakı ilə axtarış aparılıb.
“Həmin ünvandan 6650 manat və 975 ABŞ dolları aşkar olunaraq maddi sübut kimi götürülüb. Evdən hansısa qızıl-zinət əşyasının götürülməsi ilə bağlı iddialar əsassızdır, həqiqəti əks etdirmir”, - açıqlamada vurğulanıb.
Jurnalist Nurlan Libre fevralın 20-də “Meydan TV işi” ilə bağlı saxlanıb. Saxlandığı gün onun ailə evində axtarış aparılıb. Jurnalistin ailə üzvləri deyirlər ki, bu axtarış zamanı ailəyə məxsus pul və dəyərli əşyalar götürülüb və bugünədək qaytarılmayıb.
“Nurlan saxlandığı gün axtarış onun ailəsinin evində olub. Axtarışa gələn maskalılar evdən qaynanamın qızıl koplektini, 6550 manat pul vəsaiti, 950 dollar (Qaynım Dubaya gedəndə orada çevirdiyi puldan qalıq qalmışdı) oğurlanıb. Nurlanın anası illərdi iki işdə işləyir, əziyyət çəkir. Bu yaxınlarda xəstəliyi səbəbiylə bir işindən çıxmağa məcbur olmuşdu. Nurlanın atası illərdi fəhləliklə məşğuldu. Qaynanam işdən çıxandan sonra məcbur qalıb Qarabağdakı tikintilərdə işləməyə gedib”, - Jurnalistin həyat yoldaşı Əsli Əlizadə deyib.
