USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ələsgər Məmmədli: “Mənim dövlət büdcəsinə ödədiyimin onda birini ödəməyənlərin milyonlarla ölçülən mülkləri var"
Toplum TV-nin təsisçisi media hüququ üzrə ekspert Ələsgər Məmmədli həbsinin 1 ilinin tamam olması ilə bağlı ictimaiyyətə, media və hökumət nümayəndələrinə, habelə beynəlxalq qurumlara müraciət ünvanlayıb.
Ələsgər Məmmədli müraciətinə “Toplum TV işi” üzrə ona qarşı irəli sürülən ittihamları əsassız və saxta adlandırmaqla başlayıb.
“40 il əmək təcrübəm və 2001-ci ildən əmək müqaviləsi ilə çalışsam da 49 yaşıma kimi kirayələrdə yaşamışam. Həyat yoldaşımla özümün ümumi iş təcrübəmiz 62 ildir. Bu qədər intensiv əmək fəaliyyətimizlə yalnız bir ev və üzərinə həbs qoyulmuş 11 yaşında bir maşınımızdan başqa heç bir əmlakımız yoxdur. Beynəlxalq təşkilatlarda çalışdığım illərdə aldığım maaş nazirlərin, deputatların, icra hakimiyyəti başçılarının maaşından xeyli yüksək olduğu halda yalnız bir ev və bir avtomobil ala bilmişik. Mənim dövlət büdcəsinə ödədiyimin onda birini ödəməyənlərin milyonlarla ölçülən mülkləri var və utanmadan məni qanunsuz əməldə ittiham edirlər. İndi məni ittiham edənlər, həbsimizi sifariş verənlər özlərinin son 19 ildə ödədikləri vergiləri və malik olduqları əmlakı ictimaiyyətə açıqlaya bilərlərmi? Əlbəttə açıqlamayacaqlar”.
