USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qızı Nigar Həzi atası Tofiq Yaqublu barəsində yazır:
Qızı Nigar Həzi atası Tofiq Yaqublu barəsində yazır: “Bu gün ata ilə görüşdük. Dəhşət yorğun və halsız idi.
Çox arıqlayıb. Qalxanda başı gicəllənir. Yeriyəndə səndirləyir, divardan tutur, müvazinətini saxlamağa çalışır. Birdən yıxılar deyə, nəzarətçilər qolundan tutur.
Rəngi çox qaralıb, artıq çənə sümüyünün kontutları qabarıq görünür. Danışanda tez-tez danışdığı sözü unudur. Buna rəğmən özünü bizim yanımızda yaxşıymış kimi göstərməyə çalışırdı...
20 gün ac qalmaq zarafat deyil.
Bundan sonrakı günləri düşünəndə adamı dəhşət bürüyür.
Bu gün çəkisi 83kq 900q olub. Dünən doktor Adil Qeybullanın müdaxiləsindən və israrla çox su içməli olduğunu bildirdikdən sonra ilk dəfədir ki, dünəndən bəri çoxlu su içməyə məcbur olub. Ata bildirdi ki, dünən ona köçürülən mayelərin tərkibinə baxıb və qida tərkibli olmadığına əmin olduqdan sonra sistem köçürülməsinə razılıq verib. Bu prosesdə Penitensiar Xidmətin tibb İşçiləri də iştirak edib.
Bu gün təzyiqi 129/85, saturasiya 96, ürək döyüntüsü 85, temperaturu isə 36-dır.
Bu gün atadan yenə kamerasına yemək gətirib- gətirmədiklərini soruşdum. Dedi ki, yenə gündə 3 dəfə yemək gətirib masanın üstünə qoyurlar. Mən də buna qarşılıq olaraq TV-lərdə gedən yemək proqlamlarından birini qoyuram. Onsuz da bütün TV-lər hər gün yeməklə bağlı bir proqram verirlər. Necə deyərlər, pazı pazla çıxararlar.”
