USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Vəkil Nazim Musayev: "Tofiq Yaqublunun vəziyyəti kritikdir"
Aclığının 38-ci günündə vəkil Nazim Musayev Tofiq Yaqublu ilə müalicə müəssisəsində görüşüb. Vəkil bildirir ki, onun vəziyyəti kritikdir, həddindən artıq ağırdır. Vəkillə görüşə müəssisə əməkdaşlarının köməyi ilə qolundan tutaraq gətirilib. O qədər çəki itirib, vəziyyəti o qədər ağırdır ki, stulda oturanda başı boynunun üstündə durmur, başı yerə düşür. Bu gün 3 dəfə reanimatoloq onu yoxlayıb. O da təsdiq edib ki, T.Yaqublunun vəziyyəti ağırdır, kritikdir.
Nazim Musayev: “Mən də ona məsləhət etdim ki, aclığı dayandır, amma o bildirdi ki, nəticəsinin nə olub-olmamasından asılı olmayaraq aclığı dayandırmayacam”.
T.Yaqublu qeyd edib ki, bu dəfə heç vaxt tətbiq edilməyən tibbi müayinədən keçib. Belə ki, onun boyunu ölçüblər. İndiki boyu əvvəlki boyuna uyğun olub-olmadığını yoxlayıblar.
T.Yaqublu: “Mən də dedim ki, yəqin tabut hazırlayırsınız”.
Vəkillə görüş çox qısa çəkib. Çünki danışmağa taqəti yox idi. Həddindən artıq taqətsiz idi. Sözü deməyə belə əziyyət çəkirdi. Çəkisi azalıb. Bugünkü çəkisi 75.7 kq-dır. Sürətlə çəki itirir. Ümumi vəziyyət ondan ibarətdir ki, T.Yaqublu işgəncə altındadır. Onun fizionomiyasına baxanda görünür ki, hər an T.Yaqublu həyatını itirə bilər. Nəticələri çox ağır ola bilər.
