USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tofiq Yaqublu aclığı ölümə qədər davam etdirəcəyini deyir
Tofiq Yaqublu aclığı ölümə qədər davam etdirəcəyini deyir.
Qızı Nigar Həzi yazır:
Tofiq Yaqublu: "Aclıq aksiyasını dayandırmayacam və qərarım qətidir. Ya azadlıq, ya ölüm!"...
Bir az əvvəl ata ilə görüşdüm. Təcridxana nəzarətçiləri atanı görüşə qolundan tuta-tuta gətirdilər və apardılar. Ata xeyli arıqlayıq, çəkisi 86.1 kq-a düşüb. Ürək döyüntüsü 105, saturasiya 95, təzyiq 117/79-dur.
Rəngi boğunuqdur, gözləri çuxura düşüb. Gecələr yata bilmir, öd kisəsi olmadığı üçün su içməkdə çətinlik çəkir. Adətən, kitab oxuyanda, televizora baxanda eynək taxardı. İndi mütəmadi olaraq eynəkdən istifadə edir.
Bu ayın 15-i Yaqubludan bəzi analizlər götürüləcək və nəticələrini öyrənmək üçün Mərkəzi Hospitala göndəriləcək. Bu onu göstərir ki, adi analizi yoxlamaq üçün texniki imkanları olmayan Umbakı təcridxanasında Yaqubluya bir şey olsa, orada ona tibbi yardım edəcək nə həkim heyəti var, nə də ki, normal tibbi xidmət göstərən müəssisə.
Bu günə qədər aclıq edən Tofiq Yaqublunun kamerasına gündə 3 dəfə yemək gətirirlər və saatlarla kamerasındakı masanın üstündə saxlayırlar. Sözsüz ki, bu cür davranışın tapşırığı PA-dan gəlib və Tofiq Yaqubluya qarşı təzyiq kimi istifadə edilir.
Bu davranış humanizm prinsiplərinə ziddir. Aclıq edən Tofiq Yaqublunun kamerasına yemək gətirməkdənsə, tələbini yerinə yetirin, azadlığını təmin edin!
Həmçinin Tofiq Yaqubluya azadlıq aksiyası ABŞ-da yerləşən Azərbaycan səfirliyi qarşısında baş tutub. меньше
