USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hafiz Babalı hökumətyönlü media orqanlarını məhkəməyə verməyə hazırlaşır
Həbsdə olan araşdırmaçı jurnalist Hafiz Babalı, bir neçə hökmətyönlü media orqanını məhkəməyə verməyə hazırlaşır.
Bu barədə məlumat iyunun 12-də jurnalistin “Facebook” hesabında paylaşılıb. Bildirilib ki, Babalı özünə böhtan atdıqlarına görə “Baku TV”, “Qafqazinfo”, “Report.az” və digər media resurslarından təkzib və üzr tələb edir.
Jurnalistin vəkili Rəsul Cəfərov Toplum TV-yə açıqlamasında məlumatı təsdiqləyərək bildirib: “Qanunvericiliyin tələbinə görə, şəxs haqqında həqiqəti əks etdirməyən məlumat yayılarsa, bu, təkzib olunmalı, üzr istənilməli və mənəvi zərərə görə təzminat ödənilməlidir. Hafiz bəyin də tələbləri bu çərçivədədir.”
Vəkilin sözlərinə görə, hazırda qarşı tərəfə rəsmi məktublar göndərilib, əgər bu müraciətlər nəticəsiz qalarsa, məhkəmə prosesi başlanacaq.
Qeyd edək ki, Hafiz Babalı daha əvvəl də “Qafqazinfo”, “ATV” və “İki Sahil” kimi media qurumlarına qarşı iddialarla çıxış etmiş, lakin məhkəmə onun şikayətini təmin etməmişdi.
Hafiz Babalı 2023-cü ilin dekabrında “Abzas Media işi” üzrə həbs olunub. Bu iş çərçivəsində bir neçə digər jurnalist də istintaqa cəlb edilib. Onlara qarşı qaçaqmalçılıq və digər maddələr üzrə ittihamlar irəli sürülüb. Jurnalistlər isə ittihamların əsassız olduğunu və jurnalist fəaliyyətlərinə görə cəzalandırıldıqlarını bildirirlər.
