Almaniya 2024-cü ildə atalarından aliment ala bilməyən uşaqlar üçün təxminən 3,2 milyard avro vəsait xərcləyib. Bu rəqəm 2023-cü illə müqayisədə 551 milyon avro çoxdur.
Ödənişin məbləği uşağın yaşından asılı olaraq dəyişir:
• 6 yaşına qədər – ayda 227 avro
• 6–12 yaş arası – ayda 299 avro
• 12–17 yaş arası – ayda 394 avro
Bu vəsaitlərin böyük hissəsi aliment ödəməli olan, lakin gəliri uşağı tam təmin etməyə kifayət etməyən valideynin olduğu ailələrə verilir.
Dövlət aliment ödəməyən şəxslərdən bu məbləği geri almağa çalışsa da, nəticələr zəifdir. 2024-cü ildə yalnız 17% (təxminən 545 milyon avro) geri qaytarılıb.
Xərclər federal və regional hökumətlər tərəfindən birgə qarşılanır. Ödənişlər “Ausfall-Leistungen” (alınmayan alimentin əvəzi) adlanır və əsasən azgəlirli, çoxuşaqlı ailələrə dəstək məqsədi daşıyır.