USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Toplum TV işi” üzrə məhkəmədə Ruslan İzzətli: “Femida Azərbaycandakı məhkəmələri görsə, göz yaşı tökər”
Sentyabrın 15-də Bakı Ağır Cinayətlər Məhkəməsində “Toplum TV işi” üzrə növbəti məhkəmə prosesi keçirilib. Prosesə hakim Azər Tağıyev sədrlik edib.
“Toplum TV”nin məlumatına görə, məhkəmədə çıxış edən III Respublika Platformasının üzvü Ruslan İzzətli ittihamları sərt tənqid edib.
“İttihamlar ədalətsizliyin və təhsilsizliyin nəticəsidir”
Ruslan İzzətli çıxışında 15 sentyabrın Azərbaycanda Bilik Günü kimi qeyd edilməsinə toxunaraq, özlərinə qarşı irəli sürülən ittihamları “ölkədəki ədalətsizliyin və təhsilsizliyin nəticəsi” adlandırıb:
“Femida Azərbaycandakı məhkəmələri görsə, göz yaşı tökər. Nə müdafiəçilərimiz, nə də hakimlər aqibətimizi bilirlər. Hamı Prezident Administrasiyasından gələcək qərarı gözləyir”.
“Bizim hökumətlə şəxsi ədavətimiz yoxdur”
O, hökumətlə şəxsi ədavətlərinin olmadığını vurğulayıb:
“Biz yalnız cəmiyyət naminə fəaliyyət göstəririk. Əlində smartfon olan hər kəs bizə dəstək olsun. Biz azad torpaqlara qayıda bilməyən məcburi köçkünlər, Rusiyada 5 qəpik qazanmaq üçün gedib döyülən azərbaycanlılar və Kürdəxanı təcridxanasında şərlənənlər üçün vuruşuruq”.
Televiziyalara çağırış
Ruslan İzzətli həmçinin dövlət televiziyalarına müraciət edib:
“AzTV və İctimai TV qarayaxma kampaniyasına son qoysun, məhkəmə proseslərini işıqlandırsın”.
