USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Cahangir Əsgərovun qızının Nyu-Yorkda 7,5 milyon dollarlıq əmlak aldığı bildirilir
AZAL-ın keçmiş prezidenti Cahangir Əsgərovun qızı Məlahət (Mila) Əsgərovanın Nyu-Yorkda 7,5 milyon dollar dəyərində kommersiya əmlakı aldığı bildirilir.
Bu barədə jurnalist Cavanşir Həsənli sosial şəbəkə hesabında məlumat yayıb.
Onun sözlərinə görə, söhbət Manhettenin Çelsi rayonunda, 543 West 25th Street ünvanında yerləşən iki kommersiya obyektindən gedir. Əmlakların ümumi sahəsinin 434,6 kvadratmetr olduğu qeyd olunur.
Həsənli bildirib ki, Məlahət Əsgərova əmlakı sahibi olduğu “MRCRI Prop” LLC şirkəti vasitəsilə bu il iyunun 30-da alıb.
Məlumata görə, satıcı tərəf “Marlborough Gallery” ilə əlaqəli “Marlborough Real Estate” LLC şirkəti olub.
Jurnalist ehtimal edir ki, əmlak biznes məqsədilə, o cümlədən “Gazelli Art House”un fəaliyyəti üçün istifadə oluna bilər.
Əmlakın alınması və onun hansı məqsədlə istifadə ediləcəyi ilə bağlı Məlahət Əsgərovanın açıqlaması yayılmayıb.
