USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Paşinyan açıqladı: Azərbaycanla sülh sazişində razılıq necə əldə olundu?
Ermənistanın Baş naziri Nikol Paşinyan Azərbaycanla sülh sazişinin mətninin razılaşdırılmasına imkan verən əsas amili açıqlayıb.
Onun sözlərinə görə, danışıqların uğurla yekunlaşması tərəflərin müəyyən mərhələdə “mexaniki qarşılıqlılıq” prinsipindən uzaqlaşması nəticəsində mümkün olub.
Paşinyan bildirib ki, bir müddət sonra sülh sazişinin mətnini əvvəlki qaydada qarşılıqlı təklif və düzəlişlərlə təkmilləşdirmək artıq mümkün olmayıb.
“Biz elə bir vəziyyətlə qarşılaşdıq ki, sülh sazişinin mətnini ‘pinq-ponq’ üsulu ilə daha da təkmilləşdirmək mümkün deyildi. Qarşımızda seçim yarandı: bu prosesi qarşılıqlılıq əsasında davam etdirmək, yoxsa fərqli məntiq formalaşdırmaq”, – Ermənistanın baş naziri deyib.
Paşinyanın sözlərinə görə, Ermənistan tərəfi mövcud mətnlə razılaşmaq qərarı verib.
O, həmçinin Azərbaycanla gələcək münasibətlərə toxunaraq bildirib ki, qonşu ölkələr arasında elə münasibətlər qurulmalıdır ki, qarşılıqlı sabitlik və iqtisadi rifah hər iki tərəf üçün fayda gətirsin.
