26 sentyabr 2026-cı il tarixində Fransanın Strasburq şəhərində Azərbaycan siyasi mühacirlərinin və mühacir jurnalistlərin I Ümumavropa Konqresi keçirilib.

Tədbirdə Avropanın müxtəlif şəhərlərindən 50-yə yaxın siyasi fəal, jurnalist, hüquq müdafiəçisi və ictimaiyyət nümayəndəsi iştirak edib. Konqresdə Qənimət Zahid, Qulu Məmmədli, Surxay, Elman Fəttah, Fuad Qəhrəmanlı, Cəsur Məmmədov Sumərinli, Əfqan Muxtarlı, Abid Qafarov, Rauf Mirqədirov və Səməd Rəhimli çıxış ediblər.

Müzakirələr zamanı Azərbaycandakı ictimai-siyasi vəziyyət, insan hüquqları, siyasi həbslər, məhkəmə sistemi, transmilli repressiya ilə bağlı səsləndirilən narahatlıqlar, demokratik institutların inkişafı və beynəlxalq təşkilatlarla əməkdaşlıq məsələləri diqqət mərkəzində olub.

Konqresdə Strasburq Universitetinin müəllimi və Strasburq Demokratiya İnstitutunun rəhbəri Troy Davis demokratiya və demokratik institutların inkişafı mövzusunda məruzə ilə çıxış edib.

Tədbirə onlayn formatda Sevinc Osmanqızı, Arif və Leyla Yunus, eləcə də Arif Məmmədov da qoşulublar.

Konqresin yekununda iştirakçılar gələcək əməkdaşlıq, koordinasiya və davamlı əlaqələrin yaradılması məsələlərini müzakirə ediblər.

Tədbirin sonunda iştirakçılar birgə ailə fotosu çəkdiriblər.