Biz www.foto.info.az müstəqil xəbər agentliyi və jurnalistlər işğalçı rus imperiyası xəyalları ilə yaşayaraq Ukraynanın ərazi bütövlüyünə təcavüz edərək Donesk vı Luqansk ərazilərini işğal edən Putin hakimiyyətini qətiyyətlə pisləyirik.

Rusiyanın işğal siyasətinin nəticəsində 30 ildir ki, torpaqlarımız işğal olunub. Vətən müharibəsində qazandığımız qələbə sayəsində işğal olunan ərazilərimizi azad etsək də, Qarabağın müəyyən əraziləri hələdə seperatçı dəstələrin nəzarəti altındadır. Sülhməramlı adı altında Putin Qarabağda Azərbaycana təzyiq edir. Qonşu Gürcüstan Respublikası da Putinin işğalından əziyyət çəkən ölkələrdəndir.

Sərhəddə baş vermiş gərginlik nəticəsində həlak olan qəhrəman Ukrayna əsgər və zabitlərinin ailələrinə və bütün Ukrayna xalqına dərin hüznlə başsağlığı verirəm. Onlar Ukrayna dövlətinin və xalqının müstəqilliyi uğrunda canlarından keçərək zirvələrə yüksələn igidlərdir.

Fürsətdən istifadə edib bir daha qüdrətli, dost və əziz Ukrayna dövlətinə və xalqına öz dəstəyimizi ifadə edir, işğalçılar üzərində tezliklə qələbə qazanacağına inaniriq.