Azərbaycan Demokratiya və Rifah (ADR) Partiyasının sədri Qubad İbadoğlunun 7 avqust 2023-cü il tarixində Bakı Apellyasiya Məhkəməsində keçirilən məhkəmə prosesindən sonra ictimai fəal Mayis Əliyev hüquq-mühafizə orqanları tərəfindən saxlanılıb.

Əliyevin həyat yoldaşı İlahə Əliyevanın verdiyi məlumata əsasən, fəal evlərinin yaxınlığında Azadlıq prospektində bir neçə polis əməkdaşı tərəfindən zor tətbiq olunmaqla saxlanılıb. Onun sözlərinə görə, saxlanma zamanı hər hansı rəsmi sənəd təqdim edilməyib və ötən 5 gün ərzində M.Əliyevdən heç bir məlumat almaq mümkün olmayıb.

Daxili İşlər Nazirliyinin mətbuat xidməti ilə əlaqə saxlanılsa da, Mayis Əliyevin saxlanılma səbəbi ilə bağlı suallara hər hansı cavab verilməyib.

Hazırda ictimai fəalın harada saxlanıldığı və hansı əsasla həbs edildiyi ilə bağlı rəsmi məlumat mövcud deyil.