Son günlər Xırdalanda dəhşətli hadisələr baş verir.

Deməli, bir neçə gün əvvəl 16 yaşlı yeniyetmə Şəms Müzəffərzadə özünü Xırdalan şəhərində yerləşən bir binadan (“Kristal Abşeron”nun binası deyilir) ataraq intihar edib. O, həmin binada yaşamırmış və ora müəllim yanına hazırlığa gedirmiş.

Daha sonra başqa bir 15 yaşlı yeniyetmə Şəbnəm Omid eyni binada intihar edib. O da eyni müəllim yanına hazılığa gedirmiş. Yeniyetmələr özlərini 15-ci və 16-cı mərtəbələrdən atıblar.
Bu gün 13 yaşlı Aydan Hacıağazadə də həmin binada intihar edib. O, özünü 13-cü mərtəbədən atıb. Həmin yeniyetmə də o binada yaşamır.

Qeyd etdiklərim bu il ərzində eyni binada qeydə alınan 3 intihar hadisəsidir. Keçən il də eyni binada bir neçə intihar hadisəsinin olduğu deyilir.
Prokurorluq intihar edənlər barədə hər hansı məlumat vermir və hadisə yerinə gedən media təmsilçilərinə hər hansı xəbər yayımlamağa icazə vermir. İntihar edən yeniyetmlərdən birinin məktubu tapılıb, amma onun da məzmunu açıqlanmır.

Bu yeniyetmələr qəbul imtahanı verməyib və hələ də abituriyentdirlər. İntiharları ilə bağlı tək səsləndirilən səbəb narkomanlar tərəfindən təcavüz və öldürülmədir. Amma bu da şübhəlidir.

Nə baş verir?
Düşünürəm ki, ictimai diqqətin yönəlməli olduğu məsələdir.

Araz Əliyev