Bakıdakı Dövlət Bayraq Meydanı rəsmi xəbərə görə 30 milyon manat dövlət vəsaitinə başa gələrək, 2010-cu ildə təmtaraqla açılmışdı.

Ətrafında söz-söhbət elə Bayraq Meydanının açılışından bir neçə müddət sonra başlamışdı. Güclü küləyin təsirindən dirəyin titrədiyi, bayrağın tez-tez cırılması müşahidə edilirdi.

20 min kvadrat metr ərazisi olan meydanda ucaldılan dayağın hündürlüyü 162 metr idi. Qurğunun ümumi kütləsi 220 ton, 35 metr enində, 70 metr uzunluğunda olan bayrağın öz çəkisi isə 350 kilqoram idi.

Bayraq Meydanı 2010-cu ildə dünyanın ən uca bayraq dirəyi ilə Ginnesin Rekordlar kitabında düşə bildi. Yalnız bir neçə aydan sonra Tacikistan bu rekordu 165m ilə üstələdi.

Kompleks bütövlükdə 30 milyon manata başa gəlib. Bunun 20 milyon manatı prezidentin Ehtiyat Fondundan, 10 milyon manatı isə birbaşa dövlət büdcəsindən ayrılıb.