Jurnalist Elnur Şükürov həbs edildi – Ona qarşı iki maddə ilə ittiham irəli sürülüb

Sabunçu Rayon Məhkəməsi onun barəsində həbs qətimkan tədbiri seçilməsi barədə qərar qəbul edib.

Məhkəmənin qərarı ilə Elnur Şükürov barəsində 3 ay müddətinə həbs qətimkan tədbiri tətbiq olunub.

Ona Azərbaycan Respublikası Cinayət Məcəlləsinin 221.2-ci və 188.1-ci maddələri ilə ittiham irəli sürülüb.

İttiham olunan maddələr nəyi nəzərdə tutur?

- 221.2-ci maddə – Xuliqanlıq: İctimai qaydanı kobud surətdə pozan, cəmiyyətə açıq hörmətsizlik ifadə edən əməllərin bir qrup şəxs tərəfindən və ya təkrar törədilməsi, yaxud ictimai qaydanın qorunması ilə bağlı vəzifəni yerinə yetirən şəxslərə müqavimət göstərilməsi. Bu əmələ görə 3 ilədək azadlığın məhdudlaşdırılması və ya 1 ildən 3 ilədək azadlıqdan məhrumetmə cəzası nəzərdə tutulur.
- 188.1-ci maddə – Torpaq üzərində mülkiyyət, istifadə və ya icarə hüququnu pozma: Qanuni hüquq olmadan torpaq sahəsinin özbaşına hasarlanması, becərilməsi, dəyişdirilməsi və ya başqa üsullarla zəbt edilməsi. Bu əmələ görə 8 000 manatdan 10 000 manatadək cərimə, 2 ilədək azadlığın məhdudlaşdırılması və ya 2 ilədək azadlıqdan məhrumetmə cəzası nəzərdə tutulur.

Qeyd edək ki, jurnalistin konkret hansı hadisə ilə əlaqədar bu maddələrlə ittiham olunduğu və həbsi ilə nəticələnən hadisənin təfərrüatları barədə hələlik rəsmi açıqlama verilməyib. İttihamlar məhkəmənin yekun hökmü ilə təsdiqlənməyib.