USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran ABŞ-ın beşinci MQM-170 PUA-sını vurduğunu açıqlayıb
İran İslam İnqilabı Keşikçiləri Korpusu (SEPAH) ABŞ-a məxsus daha bir MQM-170 tipli pilotsuz uçuş aparatının (PUA) vurulduğunu açıqlayıb.
Bu barədə İran mediası məlumat yayıb.
Bildirilib ki, SEPAH-ın Aerokosmik Qüvvələri Qeşm adası üzərində ABŞ-a məxsus MQM-170 kəşfiyyat PUA-sını radioelektron mübarizə sistemlərinin köməyi ilə zərərsizləşdirib.
İran tərəfinin məlumatına görə, bu, son günlər ərzində vurulduğu və ya ələ keçirildiyi bildirilən beşinci MQM-170 tipli pilotsuz uçuş aparatıdır.
SEPAH-ın yaydığı açıqlamada hadisənin detalları, PUA-nın dəqiq düşmə yeri və texniki vəziyyəti barədə əlavə məlumat verilməyib. İran tərəfi bununla bağlı foto və ya video sübut da təqdim etməyib.
Qeyd edək ki, MQM-170 Outlaw ABŞ-ın Griffon Aerospace şirkəti tərəfindən istehsal olunur. Bu tip aparatların əsas təyinatı hava hücumundan müdafiə sistemlərinin sınaqdan keçirilməsi və hərbi təlimlər zamanı hava hədəfi kimi istifadə edilməsidir.
Hadisə ilə bağlı ABŞ Müdafiə Nazirliyi və ABŞ Mərkəzi Komandanlığı (CENTCOM) hələlik rəsmi açıqlama verməyib. Beləliklə, İranın PUA-nın vurulması ilə bağlı son iddiası müstəqil şəkildə təsdiqlənməyib.
