USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DTX Biləsuvarda dronla narkotik qaçaqmalçılığı edən şəxsləri saxladı
Dövlət Təhlükəsizliyi Xidməti (DTX) Biləsuvar rayonunda dron vasitəsilə narkotik vasitələrin ölkəyə keçirilməsini təşkil edən şəxslərə qarşı əməliyyat keçirib.
Əməliyyat-axtarış tədbirləri nəticəsində İran vətəndaşının dron vasitəsilə Biləsuvar rayonunda yerləşən Cəbrayıl qaçqın şəhərciyinin yaxınlığına xüsusilə külli miqdarda narkotik vasitələr göndərdiyi müəyyən edilib.
Narkotikləri ərazidən götürərək satışını təşkil etmək istəyən Azərbaycan vətəndaşları – Bədəlov Rüfət Bayram oğlu və Muxtarov Rüstəm Əli oğlu cinayət başında saxlanılıblar.
Saxlanılan şəxslərdən ümumilikdə 15 kiloqramdan artıq narkotik vasitə aşkarlanıb. Onlardan 14 kiloqram 158 qram qurudulmuş marixuana, 979 qram metamfetamin və 23,1 qram tiryək götürülüb.
Faktla bağlı cinayət işi başlanılıb. Hazırda istintaq-əməliyyat tədbirləri davam etdirilir.
