Masallıda ağır xəsarətlə nəticələnən yol-nəqliyyat hadisəsi baş verib.

"foto.info.az"in məlumatına görə, hadisə rayonun Ərkivan kəndində qeydə alınıb.

Belə ki, 2005-ci il təvəllüdlü Mikayılov Elvir Muskayıl oğlu idarə etdiyi motosikleti avtomobilə çırpıb. Nəticədə o, hadisə yerində ağır bədən xəsarətləri alıb. Yaralı əvvəlcə rayon xəstəxanasına çatdırılıb. Lakin vəziyyəti ağır olduğundan Bakıda yerləşən xəstəxanaların birinə göndərilib.

Faktla bağlı araşdırma aparılır.