Bu gün Yasamal Rayon Məhkəməsində bir qrup qazi tərəfindən onun barəsində verilmiş xüsusi ittiham qaydasında şikayətə baxılıb. Yasamal Rayon Məhkəməsinin hökmü ilə jurnalist Abid Qafarov 1 il müddətinə azadlıqdan məhrum edilib.

O, Cinayət Məcəlləsinin 147 (böhtan) və 148-ci (təhqir) maddələrilə təqsirli bilinib. Hər bir maddə üzrə ona 6 ay həbs cəzası təyin edilib. Abid Qafarov məhkəmə zalında həbs edilərək birbaşa cəzaçəkmə müəssisəsinə aparılıb.

Jurnalist həmkarımız hakimiyyətin sifarişi ilə həbs olunub. Diktator rejim insan haqlarını pozmaqla azad fikirli müstəqil jurnalistləri şərləyərək həbs etdirir.

Bu hakimiyyətə yaltaq, məddah toplum lazımdır. Həqiqəti deyən, haqqını tələb edənlər isə şərlənərək həbs olunur.

Abid Qafarov həbsindən öncə məhkəmənin binası qarşısında jurnalistlərə açıqlamasında "Tərtər cinayəti" ilə bağlı araşdırmalarına görə cəzalandırıldığını iddia etmişdi.