USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hüseyn Həsənov 4 il azadlıqdan məhrum edilib, əmlakı müsadirə olunub
Moskvanın Presnenski Rayon Məhkəməsi azərbaycanlı bloqer Hüseyn Həsənov barəsində 4 il müddətinə azadlıqdan məhrumetmə hökmü çıxarıb.
Məhkəmə onu çirkli pulların yuyulmasında təqsirli bilib. Hökmə əsasən, Həsənovun Moskvanın Presnenski rayonunda yerləşən və dəyəri 46 milyon rubl, təxminən 964 min manat olan qeyri-yaşayış sahəsi dövlətin xeyrinə müsadirə edilib.
İş materiallarında bildirilir ki, bloqer 2019–2021-ci illərdə 175 milyon rubl məbləğində vergini az ödəyib və həmin vəsaitin bir hissəsini daşınmaz əmlaka yatırmaqla leqallaşdırıb.
Hüseyn Həsənov sonradan Federal Vergi Xidməti qarşısındakı borcunu ödədiyi üçün onun barəsində vergidən yayınma ittihamına xitam verilib. Lakin çirkli pulların yuyulması ilə bağlı ittiham qüvvədə saxlanılıb.
Bloqerin hazırda Birləşmiş Ərəb Əmirliklərində yaşadığı ehtimal olunur.
Hüseyn Həsənov ittihamı qəbul etmir. Onun vəkili bildirib ki, bloqer dövlət büdcəsinə ümumilikdə təxminən 300 milyon rubl ödəyərək vergi borcunu tam bağlayıb.
