USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ərdoğana sui-qəsd cəhdi ilə bağlı 10 il axtarılan şəxs saxlanılıb
Türkiyədə 15 iyul 2016-cı il dövlət çevrilişinə cəhd zamanı Prezident Rəcəb Tayyib Ərdoğana qarşı sui-qəsd planında iştirak etməkdə şübhəli bilinən Ayşe Alanur Karatepe saxlanılıb.
Türkiyə mediasının məlumatına görə, təxminən 10 ildir axtarışda olan Karatepe Muğlanın Bodrum rayonunda keçirilən əməliyyat nəticəsində tutulub.
Türkiyə hüquq-mühafizə orqanları onu FETÖ ilə əlaqəli olmaqda və 2016-cı ildə Ərdoğana qarşı sui-qəsd cəhdi ilə bağlı prosesdə iştirak etməkdə şübhəli bilir.
Karatepe ilə bağlı istintaq-əməliyyat tədbirlərinin tamamlandığı bildirilir. O, polis bölməsində zəruri prosedurlar başa çatdıqdan sonra məhkəməyə göndərilib.
Bundan əvvəl onun qardaşı Burkay Karatepe də avqustun 5-də saxlanılmışdı. Türkiyə tərəfinin məlumatına görə, Burkay Karatepe 2016-cı ildə Prezident Ərdoğana qarşı sui-qəsd həyata keçirməli olan qrupun tərkibində olub.
O, Muğlada məhkəmə qarşısına çıxarıldıqdan sonra həbs edilib.
