USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İstanbulda azərbaycanlı qadın evində ölü tapılıb
İstanbulda 57 yaşlı Azərbaycan vətəndaşı Lətifə İbadova yaşadığı evdə ölü aşkarlanıb.
Türkiyə mediasının məlumatına görə, hadisə yerinə gələn polis əməkdaşlarının ilkin baxışı zamanı qadının meyiti üzərində zorakılıq əlamətlərinə rast gəlinməyib.
Bununla belə, evdə aparılan araşdırma zamanı masanın üzərində narkotik vasitə olduğu bildirilən maddə aşkarlanıb. Qadının dəqiq ölüm səbəbinin müəyyənləşdirilməsi istiqamətində araşdırmalar davam etdirilir.
Qonşular Lətifə İbadovanın Fərhad adlı şəxslə eyni evdə yaşadığını bildiriblər. Məhəllə sakinlərinin iddiasına görə, həmin şəxs polis əməkdaşları hadisə yerinə gəlməzdən bir qədər əvvəl evi tərk edib.
Türkiyə hüquq-mühafizə orqanlarının həmin şəxsin tapılması istiqamətində tədbirlər həyata keçirdiyi bildirilir.
Hadisənin səbəbləri və Lətifə İbadovanın ölümündə hər hansı cinayət əməlinin olub-olmadığı aparılan araşdırmalardan sonra müəyyənləşəcək.
