Ermənistanın Baş naziri Nikol Paşinyan avqustun 8-də Azərbaycan Prezidenti İlham Əliyevə zəng edib.

Telefon danışığı zamanı tərəflər 2025-ci il avqustun 8-də ABŞ Prezidenti Donald Trampın dəstəyi ilə Vaşinqtonda keçirilmiş Sülh Sammitinin birinci ildönümü və Azərbaycanla Ermənistan arasında Sülh Sazişinin mətninin ilkin paraflanması ilə bağlı fikir mübadiləsi aparıblar.

İlham Əliyev və Nikol Paşinyan sülh prosesinin irəliləməsində Donald Trampın və ABŞ hökumətinin rolunu xüsusi qeyd ediblər.

Tərəflər ötən bir il ərzində Azərbaycan-Ermənistan münasibətlərinin normallaşdırılması istiqamətində əldə olunan irəliləyişi də müzakirə ediblər.

Telefon danışığında iki ölkə arasında iqtisadi və ticarət əlaqələrinin inkişafına ayrıca toxunulub. Azərbaycanın neft məhsullarının Ermənistana ixracı, həmçinin tranzit yüklərin Azərbaycan ərazisindən Ermənistana və Ermənistandan digər istiqamətlərə daşınması qeyd edilib.

Bundan başqa, Vaşinqtonda əldə edilmiş razılaşmalara uyğun olaraq TRIPP marşrutunun həyata keçirilməsi ilə bağlı fikir mübadiləsi aparılıb.

Əliyev və Paşinyan regionda davamlı sülhün və sabitliyin təmin olunması, nəqliyyat bağlantılarının genişləndirilməsi və iqtisadi əməkdaşlığın inkişafı istiqamətində səylərin davam etdirilməsinin vacibliyini vurğulayıblar.