USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Estoniyadan geri çağırılan səfir sabiq BDU rektoru Abel Məhərrəmovun oğludur
Prezident İlham Əliyevin sərəncamı ilə Azərbaycanın Estoniyadakı fövqəladə və səlahiyyətli səfiri Anar Məhərrəmov vəzifəsindən geri çağırılıb.
Anar Məhərrəmov Bakı Dövlət Universitetinin sabiq rektoru Abel Məhərrəmovun oğludur.
1978-ci ildə Bakıda anadan olan Anar Məhərrəmov 1994–2000-ci illərdə Bakı Dövlət Universitetində beynəlxalq hüquq və beynəlxalq münasibətlər üzrə bakalavr və magistr təhsili alıb. Daha sonra Prezident yanında Dövlət İdarəçilik Akademiyasında magistratura təhsilini başa vurub.
O, hüquq üzrə elmlər doktorudur və diplomatik fəaliyyətinə 2000-ci ildə Azərbaycan Xarici İşlər Nazirliyində başlayıb. Nazirliyin Beynəlxalq hüquq və müqavilələr idarəsində müxtəlif diplomatik vəzifələrdə çalışıb.
2006–2010-cu illərdə Azərbaycanın İspaniyadakı səfirliyində ikinci katib, birinci katib və müşavir vəzifələrini tutub. Daha sonra XİN-in Hüquq və müqavilələr idarəsinin rəis müavini, 2013–2016-cı illərdə isə İkinci Avropa İdarəsinin rəisi olub.
Anar Məhərrəmov 2016-cı ilin aprelində Azərbaycanın İspaniyadakı fövqəladə və səlahiyyətli səfiri təyin edilib və 2021-ci ildə həmin vəzifədən geri çağırılıb.
2021-ci ilin iyulunda Azərbaycanın Estoniyadakı səfiri təyin olunan Anar Məhərrəmov 7 avqust 2026-cı il tarixli sərəncamla bu vəzifədən də geri çağırılıb.
