USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İctimai fəal Pərviz Cümşüdov Milli Məclisin qarşısında keçirilən aksiya zamanı saxlanılıb
İctimai fəal Pərviz Cümşüdov 30 sentyabr 2022-ci ildə Bakıda, Azərbaycan Respublikasının Milli Məclisinin qarşısında keçirilən etiraz aksiyası zamanı polis əməkdaşları tərəfindən saxlanılıb.
Aksiya zamanı iştirakçılar müxtəlif sosial və ictimai məsələlərlə bağlı etirazlarını ifadə ediblər. Hadisə yerində olan polis əməkdaşları bir sıra aksiya iştirakçılarına müdaxilə edib və bəzi şəxslər saxlanılıb.
“Foto.info.az”ın əldə etdiyi məlumata görə, Pərviz Cümşüdovun saxlanılmasından sonra onun ailə üzvləri uzun müddət ondan xəbər ala bilməyiblər. Yaxınlarının bildirdiyinə görə, saxlanılmadan sonra 24 saatdan artıq müddətdə onun harada saxlanıldığı və vəziyyəti barədə ailəsinə hər hansı məlumat verilməyib.
Məsələ ilə bağlı Azərbaycan Daxili İşlər Nazirliyinin (DİN) Mətbuat Xidmətinin rəisi Elşad Hacıyev ilə əlaqə saxlamağa cəhd edilsə də, saxlanılma ilə bağlı qurumdan hər hansı açıqlama almaq mümkün olmayıb.
Xatırladaq ki, 30 sentyabr 2022-ci ildə Milli Məclisin qarşısında keçirilən aksiya zamanı bir sıra fəallar polis tərəfindən saxlanılıb.
