USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Heydər Əliyevin Tbilisidəki büstünü zədələməkdə şübhəli bilinən Ermənistan vətəndaşı həbs edilib
Tbilisidə Heydər Əliyevin büstünün zədələnməsi ilə bağlı Ermənistan vətəndaşı saxlanılıb.
Gürcüstan Daxili İşlər Nazirliyinin məlumatına görə, hadisə sentyabrın 21-də baş verib. Faktla bağlı Gürcüstan Cinayət Məcəlləsinin 187-ci maddəsinin birinci hissəsi ilə araşdırma aparılır. Həmin maddə özgə əmlakının mühüm zərər vurmaqla qəsdən zədələnməsi və ya məhv edilməsini nəzərdə tutur.
Saxlanılan şəxsin Ermənistan vətəndaşı olduğu onun vəkili tərəfindən təsdiqlənib. Vəkilin sözlərinə görə, 40 yaşdan yuxarı olan şəxs Tbilisiyə turist kimi gəlib.
Şübhəli şəxs hazırda susmaq hüququndan istifadə edir. Məhkəmə onun barəsində həbs qətimkan tədbiri seçib.
Məlumata görə, Heydər Əliyevin büstünün üz hissəsinin bir tərəfi zədələnib. Abidə hazırda restavrasiya məqsədilə örtülüb.
Hadisənin hansı vasitə ilə törədildiyi və mümkün motivi barədə hələlik rəsmi məlumat verilməyib.
Azərbaycanın Gürcüstandakı səfiri Faiq Quliyev bildirib ki, hadisə ilə bağlı Gürcüstanın aidiyyəti dövlət qurumlarında istintaq və prosessual tədbirlər davam etdirilir.
Səfir istintaqın nəticələrinin gözlənilməsinin vacib olduğunu qeyd edib.
