İctimai fəal Mete Türksoy bəyi zəng edərək Bakı Şəhər Baş Polis İdarəsinə dəvət ediblər.
Mete bəyin öz hesabından yazdığı açıqlamaya görə çağırılma səbəbini hələki bilmir. O son yazısında qeyd edir:
“Məni də Bakı Şəhər Baş Polis İdarəsindən çağırmışdılar və gedirəm hal-hazırda baş idarəyə. Çağırılma səbəbini bilmirəm.
Getmədən öncə son həbslər barədə fikrimi yazmaq istədim.
Həbs olunanlar kimlərdir ? Böyük bir kütləyəmi sahibdir? - Xeyr
Hansısa aksiyamı keçirib mane oldular ? - Xeyr
Düşmən tərəfə informasiyamı ötürdülər? - Xeyr
Hansısa böyük bir hərəkata, təşkilatamı sahibdirlər? - Xeyr
Kimlər ki, 3-5 nəfərdir və tək etdikləri də hansısa 100-200 adamın oxuyacağı, amma bərabərində 100 min məhz siravi azərbaycanlıların söyəcəyi, təhqir və təhdid edəcəyi statuslar yazmaqdır. Amma dövlət və dövlətçilikdən danışırıqsa hökumətin bu addımı ilə əgər vardısa ortada bir dövlət, o çox şey itirdi. Mesaj açıqdır: öz vətəndaşının tam təsirsiz əks fikrinə görə rəhm etməyən hökumətin sülh və humanizm çağırışlarına ermənilər necə güvənəcəklər ?
Qaldı ki, suverenlik və ərazi məsələsinə bunun bərpası Azərbaycanın tam haqqıdır, amma bunun bərpasının bədəli nədir, nə olacaq bu isə artıq müzakirə və mübahisəyə açıqdır.
Buna görə də yalnız demokratik hökumət istər sülh, istər müharibə məsələsində xalqın iradəsini əks etdirə bilər. Və Rusiyanın olduğu heç bir müstəvi heç bir xalqa nə sülh, nə azadlıq gətirə bilməz.“