Xəbər verdiyimiz kimi dünən 6 feminist qadın Xəzər rayon polis idarəsinə daxil olaraq əri tərəfindən qətlə yetirilən Sevincə dəstək olaraq əllərində qırmızı boya ilə polis idarəsinə zərər yetirmişlər.

Sirr deyil ki, vətəndaş polis bölmələrinə, xüsusən rayon polis idarələrinə girməzdən əvvəl qapıda olan polis postuna öz şəxsiyyət vəsiqəsini təqdim edərək qeydiyyata alındıqdan sonra üzərində olan telefon, kamera və digər elektron cihazlarını polis əməkdaşlarına təqdim etdikdən sonra girməsi mümkündür. Bu insanların rahat şəkildə, güya qapıda heç kimin olmadığını, qapının açıq olduğunu demələri absurd və cəfəngiyatdır.

Millətin və dövlətin büdcəsi hesabına tikilən dövlət qurumuna rahatlıqla girərək, dövlətin əmlakına zərər yetirmək cinayətdir! Yol verilməzdir! Bu hərəkəti törədənlərə qarşı cinsindən, millətindən, statusundan asılı olmayaraq dövlət qanunun tələblərinə uyğun olaraq cəza tədbiri görülməlidir. Əgər bu hadisəni törədənlərə qarşı cinayət işi açılmırsa, aydın olacaq ki, bu hadisə DIN ilə əvvəlcədən razılaşdırılmış aksiya olaraq şou xarakteri daşıyır. Sadəcə dövlət özü qərb dairələrinə və Avropa ittifaqına mesaj verərək göstərmək istəyir ki, guya Azərbaycanda da, qadın azadlığı var. Feministlər hətta əllərində boya maddələri, plakatlarla nəinki polis idarələri qarşısında aksiya keçirə bilir, polis idarelerine maaddi zərər də yetirə bilirlər. Hətta bu azmış kimi bir başa DIN önündə də simvolik tabutla Nazirliyə daxil olaraq öz etirazlarını edirlər. Azərbaycanda qadın, söz azadlığı mövcuddur.