Prezident.az saytına olduğu kimi, xəbər portallarına da, vətəndaşlar yazmaqda, prezidentə təşəkkür etməkdə davam edirlər. Atatv.az saytına bu barədə yazanlardan biri də, 1934-cü ildə, Qərbi Azərbaycanın Sisyan rayonunda doğulmuş Abbasov Namaz Emin oğludur. Namaz baba yazır ki, prezident İlham Əliyevin yürütdüyü bütün siyasəti, o cümlədən dünyanı ağuşuna alan koronavirus bəlasına qarşı vaxtında atdığı addımlar onu yaxşı mənada “şoka salıb”. Belə ki, prezident İlham Əliyevin koronavirusla mübarizəyə görə yeni xəstəxanaların tikilməsi, işsiz vətəndaşlara birdəfəlik maddi yardımların göstərilməsi dünyada analoqu olmayan bir təqdirə layiq hadisədir.
Uzun illər Qərbi Azərbaycanda raykomda, Bakıda icra hakimiyyətində, yaşıllaşdırma idarəsində məsul vəzifələrdə işləyən Namaz baba, hər gün onunla təmasda olan (təbii ki, karantindən öncə) ağsaqqallar adından prezident İlham Əliyevin uğurlu siyasətini dəstəkləyir, müdrik prezidentimizə ailəsi, elə həmin ağsaqqallar adından hər oturub-duranda cansağlığı arzulayır.

foto.info.az