USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Toplum TV əməkdaşlarına qarşı irəli sürülən ittihamlar ağırlaşdırılıb
Tolum TV nəşrinin işi üzrə təqsirləndirilən şəxslər (jurnalistlər və fəallar) barəsində ibtidai istintaq başa çatmaq üzrədir. Bu barədə Rəsul Cəfərov - Demokratik Təşəbbüslər İnstitutunun Ruslan İzzətlinin vəkili bildirib.
İstintaqın yekunlarına görə işin fiqurantları barəsində ittihamlar ağırlaşdırılıb. Belə ki, daha əvvəl onlar Azərbaycan CM-in 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham olunurdularsa, indi daha 6 maddədə nəzərdə tutulmuş əməllərdə ittiham olunurlar:
162-1 (Əmək müqaviləsi olmadan işə cəlb etmə);
192.3.2 (Qanunsuz sahibkarlıq, xüsusilə külli miqdarda gəlir əldə etməklə törədildikdə);
193-1.3.1 (Cinayət yolu ilə əldə edilmiş pul vəsaitini leqallaşdırma, mütəşəkkil dəstə və ya cinayətkar birlik (cinayətkar təşkilat) tərəfindən törədildikdə);
193-1.3.2 (Eyni əməllər, xeyli miqdarda törədildikdə);
206.4 (Qaçaqmalçılıq, mütəşəkkil qrup tərəfindən törədildikdə);
213.2.1 (Vergiləri ödəməkdən yayınma, mütəşəkkil qrup tərəfindən törədildikdə).
Bu ittihamlar Abzas Media nəşrinin jurnalistlərinə qarşı irəli sürülmüş ittihamları təkrar edir.
Yeni olan Toplum TV işinin fiqurantlarına qarşı 162.1-ci maddə ilə daha bir ittihamın irəli sürülməsidir.
Qeyd edək ki, əvvəlki ittihamlarla işin fiqurantlarını 8 ilədək azadlıqdan məhrumetmə cəzası gözləyirdisə, indi maksimum azadlıqdan məhrumetmə cəzası 12 ilə çata bilər.
Qeyd edək ki, 6-8 mart 2024-cü il tarixlərində Toplum TV-nin və onun tərəfdaşı olan təşkilatın - Demokratik Təşəbbüslər İnstitutunun 9 jurnalisti saxlanılıb. Yeddi nəfər 4 ay müddətinə ibtidai həbsə məhkum edilib, iki nəfər isə polis nəzarətinə verilib.
