USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Daha bir dindar narkotik ittihamı ilə həbs edildi
Dini fəal Elvin Zeynalov 4 ay müddətinə həbs edilib.
Dini fəal Elvin Zeynalov narkotik vasitələrin qanunsuz dövriyyəsində ittiham olunur. Fevralın 1-də Bakının Nərimanov Rayon Məhkəməsi onun barəsində 4 aylıq həbs qətimkan tədbiri seçib. Fəalın yaxınları bildiriblər ki, istintaqı Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi aparır.
Onlar ittihamın yalan olduğunu bəyan ediblər.
Maştağa qəsəbəsində yaşayan dini fəal Elvin Zeynalov yanvarın 31-də günorta evinin yaxınlığındakı mağazanın qarşısında mülki şəxslər tərəfindən saxlanılıb.
Onun yaxınları bildiriblər ki, axşamüstü qara paltarlı adamlar Elvini evinə gətiriblər və axtarış aparıblar. Onlar şkafdan bir şalvar götürüb cibinə marixuana qoyub video çəkiblər. Sonra o şalvarı da, Elvini də aparıblar.
Daxili İşlər Nazirliyinə və Ombudsman Aparatına müraciətlərə baxmayaraq, doğmaları Zeynalovun saxlanıldığı yeri müəyyən edə bilmirlər.
Zeynalov gündəlik işlə məşğul olur və qazandığı vəsaitlə əvvəllər həbs edilmiş dindarların və dini fəalların ailələrinə kömək edib.
Zeynalov Qarabağ müharibəsi veteranı, 2015-ci ildə Naradaran hadisələrinə görə məhkum edilmiş, bir il əvvəl isə narkotik maddə alveri ittihamı ilə yenidən həbs edilmiş Etibar İsmayılovun bacısının oğludur, dindarların hüquqlarının müdafiəsilə məşğul olan fəal bildirib.
Hüquq müdafiəçilərinin son məlumatına görə, Azərbaycanda 331 siyasi məhbus var, onların üçdə ikisi dindar və dini fəaldır. Əksəriyyöti narkotik maddə ilə bağlı işlər üzrə saxlanılıb
