USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Elvin Mustafayev tibb müəssisəsinə köçürüldükdən sonra aclığı dayandırıb
Müstəqil "İşçi masası" Həmkarlar İttifaqları Konfederasiyasının üzvü, həbsdə olan Elvin Mustafayev oktyabrın 3-də Penitensiar Xidmətin müalicə müəssisəsinə köçürüldükdən sonra aclığı dayandırıb. Bu barədə Turan-a onun yaxınları bildiriblər.
Aclığın tələblərindən biri ona effektiv tibbi yardımın göstərilməsi idi. Elvin sentyabrın 20-dən 28-dək həbsxana xəstəxanasında olub, lakin müayinə və müalicə etmədən onu koloniyaya qaytarıblar və orada yenidən aclığa başlayıb.
Mustafayevin başında və onurğasında şiddətli ağrılar var. Əgər lazımi qaydada müayinə və müalicə olunarsa, etiraza səbəb olmayacaq, mənbə əlavə edib.
Qeyd edək ki, Elvin Mustafayev 4 avqust 2023-cü ildə saxlanılıb və qanunsuz narkotik maddə alverində ittiham olunub. Mustafayev ittihamları rədd edərək bildirib ki, narkotik maddəni onun üzərinə güc qurumlarının əməkdaşları qoyublar. Yanvarın 31-də Bakı Ağır Cinayətlər Məhkəməsi onu 3 il müddətinə azadlıqdan məhrum edib. Hüquq müdafiəçiləri onu siyasi məhbus kimi tanıyıblar. Onlar hesab edirlər ki, həbsin əsl səbəbi Elvin Mustafayevin xidmət sahəsi işçilərinin hüquqları uğrunda mübarizə aparmasıdır.
