USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bir neçə vətəndaş cəmiyyəti fəalının saxlanıldığı bildirilir
Vətəndaş cəmiyyəti fəalları arasında yerli və beynəlxalq QHT-lərə qarşı açılmış cinayət işi üzrə saxlanılanlar olduğu deyilir.
Saxlanılanlar arasında "Vətəndaş Hüquqları" İnstitutunun rəhbəri Bəşir Süleymanlının, "Hüquq və İnkişaf" İctimai Birliyinin rəhbəri Hafiz Həsənovun, "Seçki Müşahidə Alyansı”nın rəhbəri Məmməd Məmmədzadənin və "Media Hüququ" İnstitutunun koordinatoru Xalid Ağəliyevin olduğu iddia edilir.
Hazırda saxlanılanıar barədə dəqiqləşdirmələr aparılır.
Hələ ki, iddialar rəsmi qurumlar tərəfindən təsdilənməyib.
Baş Prokurorluğun Ağır Cinayətlərə Dair İşlər üzrə İstintaq İdarəsində (qurumun adı sonradan dəyişib sadəcə İstintaq İdarəsi olub) 2014-cü ildə bir sıra qeyri-hökumət təşkilatları və xarici qeyri-hökumət təşkilatlarının filial və nümayəndəliklərinə qarşı cinayət işi başlanmışdı.
Həmin il Sülh və Demokratiya İnstitutunun rəhbəri Leyla Yunus və onun həyat yoldaşı Arif Yunus, Hüquq Maarifçiliyi Cəmiyyətinin sədri İntiqam Əliyev və başqaları bu cinayət işi çərçivəsində həbs olunmuşdu.
Onlar dələduzluq, vəzifə səlahiyyətlərindən sui-istifadə, vergidən yayınma və başqa əməllərdə ittiham olunsalar da, özləri ittihamları qəbul etmirdilər. Avropa İnsan Hüquqları Məhkəməsi də bu şəxslərin konkret cinayət əməlinə görə yox, siyasi motivlərlə cəzalandırıldığı qənaətinə gəlmişdi.
QHT-lərlə bağlı açıq qalmış cinayət işinə 2020-ci və 2023-cü ildə xitam verilib.
