USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Dövlət əleyhinə çağırışda ittiham olunan cəbhəçilərin 5 ildən 8 ilədək həbsi gözlənilir
Martın 7-də Azərbaycan Xalq Cəbhəsi Partiyasının fəalı – Qaradağ rayon şöbəsinin sədri Zaur Əsgərov və Binəqədi şöbəsinin üzvü Gündüz Mirzəyev dövlət əleyhinə çağırışlarda təqsirləndirilərək saxlanılıblar.
Onlara Cinayət Məcəlləsinin 281.2-ci (dövlət əleyhinə açıq çağırışlar, təkrar və ya bir qrup şəxs tərəfindən törədildikdə) maddəsiylə ittiham verilib. Bu maddədə 5 ildən 8 ilədək həbs cəzası nəzərdə tutulub.
Cəbhəçilər haqqında həbs qərarından verilən şikayətə martın 13-də Bakı Apellyasiya Məhkəməsində baxılıb.
Zaur Əsgərovun vəkili Nemət Kərimli "Azadlıq" radiosuna bildirib ki, müvəkkili haqqında həbs qərarının əsassız olduğunu düşünür.
"Zaur Əsgərov haqqında həbs-qətimkan tədbiri seçilməsi üçün qanunda göstərilən maddi və prosessual əsaslar yoxdur. Şəxsi həbs etmək üçün ciddi əsas olmalıdır. Belə bir əsas yoxdur. Onu həbsdə saxlamadan da istintaq aparmaq olardı. O, ailə başçısıdır, övladları var", – vəkil məhkəmədə deyib.
O, Zaur Əsgərovun özünü təqsirli bilmədiyinə də diqqət çəkib.
Apellyasiya şikayəti təmin edilməyib və Binəqədi rayon Məhkəməsinin AXCP üzvləri haqqında qərarı qüvvədə saxlanılıb. Binəqədi Rayon Məhkəməsi hər iki cəbhəçiyə 2 aylıq həbs qətimkan qərarı vermişdi.
Partiyadan bildirilib ki, indi AXCP-nin 15-ә yaxın üzvü həbsdədir. Onlar özlərini təqsirli bilmir, siyasi baxışlarına görə sifarişlə həbs olunduqlarını deyirlər.
