Doktor Adil Qeybulla Tofiq Yaqublunun səhhətiylə bağlı həyəcan təbili çalır. Bu barədə o, Politfm.com-a açıqlamasında bildirib.
Adil Qeybulla:

“Tofiq Yaqublunun vəziyyəti ağır qiymətləndirilməlidir’’

Tibbi yardıma hər an ehtiyac var. Vəziyyət pislışməyə doğru gedir.

Əvvəlla qeyd edim ki, Tofiq Yaqublu aclıq aksiyası keçirir və bu aclıq aksiyası yalnız su qəbulundan ibarətdir, qida maddələrinin qəbulu isə 34-cü gündür ki, baş vermir. Biz təxminən 3 dəfə ona tibbi yardım göstərmişik. Bu su-duz məhlullarının köçürülməsindən ibarət olub. Yəni, su-elektrolit balansına dəstək məqsədilə aparılıb. Heç bir qida tərkibi olmayan qidalar olub. Sadəcə olaraq, bu, dünyada aclıq aksiyası keçirən şəxslərin aparılma protokolları var, ona uyğun olaraq biz bunları aparmışıq və onun şəxsi tibbi kartasında da bu məlumatları təsbit eləmişik. O ki, qaldı Tofiq Yaqublunun vəziyyətinə: onun vəziyyəti ağır qiymətləndirilməlidir indi, çünki artıq aclıq aksiyasının 34-cü günüdür. Digər tərəfdən qeyd etmək lazımdır ki, orqanizmə kənardan əvəz olunmayan amin turşuları, doymamış yağ turşuları, vitaminlər, minerallar daxil olmalıdır. Əks halda bədəndə bir müddətə bu resurlar tükənir, yəni, təxminən "autofaqiya" deyilən hadisə baş verir, orqanizmin öz piyləri, sonra əzələ kütləsi vəs energetik materiallar orqanizmdəki proseslər üçün sərf olunur, amma bu da bir müddətə qədər ola bilər, ondan sonra əzələlərin adinamiyası, zəifləməsi fonunda artıq orqanizmin üzülməsi, anoreksiya baş verə bilər.

Mən düşünürəm ki, Tofiq Yaqubluya tibbi yardım göstərilməsi hər an lazımdır. Yəni, fərqi yoxdur onu kim göstərir. Hər an lazımdır və tibbi yardıma ehtiyacı var. Çünki onun yaşına uyğun resursları da yetərincə deyil, bu yaşı nəzərə almaq lazımdır. Keçirdiyi həyat tərzini: neçə dəfə aclıq aksiyalarının olması, stress, digər faktorları da nəzərə almaq lazımdır. Hər halda, arzu edək ki, ona tibbi yardımın göstərilməsi üçün şərait yenidən yaradılacaq və mən çox arzu edərdim ki, o azadlığa buraxılsın əlbəttə. Amma istənilən halda mən həkim kimi, ilk növbədə tibbi yardımın göstərilmə zərurəti haqqında düşünürəm və hesab edirəm ki, ona həm orada baş tibb idarəsinin həkimləri oradadırlar, orada kifayət qədər təcrübəli həkimlər var və mənə də imkan yaradılacağı təqdirdə əlimdən gələni əsirgəməyəcəm. Amma çox arzu edərdim ki, bu iş təşkil olunsun.’’