Meydan TV ilə bağlı cinayət işi üzrə həbs olunan jurnalist Ülviyyə Əli (Quliyeva) ailəsi vasitəsi ilə saxlanıldığı təcridxanadan məktub göndərib.
O, məktubda saxlanılmasından, polis idarəsində zorakılığa məruz qalmasından və s. bəhs edib.
Dedi: “Telegram”-ın şifrəsini ver”, mən yenə də etiraz edib dedim ki: “Məndən əl çəkin, vəkili çağırın.” Çağırmadı və yenə təhdidə keçdi: “Azərbaycan xanımısan, özünü dəliliyə qoyma, elə etmə ki, səninlə başqa cür danışım. Sabah biri-birimizi yolda görəndə normal salamlaşa bilək” və üstümə şığıdı. “Telegram”-da onsuz da nəsə yox idi, mən ümumiyyətlə, yazışma saxlayan biri deyiləm. Ona görə də bunu üçün dirəşməyib verdim. Amma istəyirəm hər kəs bilsin ki, 1 sutka ərzində 2 dəfə Azərbaycan polisi tərəfindən zorlama təhdidi almışam!”