USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Zamin Salayevin həbsxanada səhhətinin pisləşdiyi bildirilir
Hakimiyyətin tənqidçisi kimi tanınan və hazırda həbsdə olan Zamin Salayevin səhhətində ciddi problemlərin yarandığı bildirilir. Bu barədə onun yaxınları məlumat yayıblar.
Məlumata görə, Salayev həbsxanada telefon danışığı zamanı bildirib ki, ürəyində ciddi ağrılar yaranıb, nəfəs almaqda çətinlik çəkir:
“Dedi ki, ürəyim tutub, nəfəs ala bilmirəm, boğuluram və həkimlər heç bir tədbir görmürlər. Hətta iki dəfə vəziyyəti kəskin şəkildə pisləşib”, – deyə ailə üzvü qeyd edib.
Zamin Salayev 2023-cü il mayın 22-də Qaradağ Rayon Məhkəməsinin hökmü ilə 4 il müddətinə azadlıqdan məhrum edilib. Müdafiəçiləri və hüquq müdafiə təşkilatları onun siyasi sifarişlə, şərlənərək həbs olunduğunu bildirirlər. Salayevin tərəfdarları hesab edirlər ki, o, hakimiyyətə qarşı sərt tənqidlərinə görə cəzalandırılıb.
Hazırda onun səhhəti ilə bağlı Penitensiar Xidmətdən rəsmi açıqlama verilməyib.
